Graskarsuppe • Muritunet

Medium

40 min

Lunsj Middag Glutenfritt

Ingrediensar

Antal porsjonar

4

1 kg

Graskar
1 ss

Grønsaksbuljong
8 dl

Vatn
1 stk

Gul løk (liten, ca 200 g)
0.5 ts

Salt
1 ts

Finhakket rød chili
1 ss

Sitronsaft
1 dl

Røde linser (tørka)

Framgangsmåte

Kutt graskar i terningar, ta av nokre av terningane som du kan bruke til garnityr.
Skyll linsene godt i kaldt vatn, bruk ein sil til dette.
Ha vatn, graskar, buljong, løk og linser i ei kasserolle. Kok opp.
Tilset chili etter smak (bruk evt. vanlig malen pepar om du vil det).
Smak til med salt, sitron og evt. meir buljong.
Når graskaret er mørt, linsene og løken mjuke kjøyrer du alt saman med stavmiksar (el. foodprosessor).
Graskarterningane du tok av til garnityr bakar du i steikomnen på bakepapir med bittelitt olje, salt & pepar (spisskummin er godt til). Du kan og riste/tørke graskarkjernene og strø over.
Bak i omnen på 180 i 8-10 minutt. Legg på toppen av suppa ved servering.
Om du vil ha noko ekstra "krønsj" i suppa er det godt å riste litt grønnkål og ha som topping. (Sjå oppskrift under snacks).

Her har vi angitt ca. mengde chili, ha i etter smak og behag. Sitron kan ein bruke i stadenfor salt og her styrer ein òg mengda sjølv. Server med grovt brød, kutt over friske urter som koriander, persille, rista grønkål eller basilikum - du veljer, god utan òg. Eit anna tips er å legge ei spiseskei mager kesam på toppen ved servering, dette gir suppa ein ekstra "schwung".