Kjekt å vite før døgnrehablitering
Ankomstdag
Velkomstmøte onsdag eller torsdag
Middag i matsalen frå kl. 15:30 – 16:30
Omvising i huset frå kl. 18:00- 19:00
Betaling
Eigenandelen for opphald på Muritunet er kr. 163,- per døgn. Eigenandelstaket er per 1.1.2024 kr 3 165,-. Når dette beløpet er nådd, vil du automatisk få frikort.
Transport
Du må sjølv komme deg til Muritunet. Køyrer du eigen bil, er det høve til å parkere her på Muritunet i Valldal. Bussruter finn du på frammr.no eller ring telefon 177. Treng du drosje, må du be fastlegen din om rekvisisjon.
Lengde på opphald
Dato for oppstart og lengde på opphaldet får du tilsendt frå RVE. I kalenderen under kvart enkelt rehabiliteringstilbod kan du finne oversikt over neste kurs.
Fritidstilbod
I Valldal har fjord og fjell. Turløyper kan ein finne på www.ut.no. Muritunet har sykkel, truger og gåstavar til utlån. Inne på Muritunet er det basseng, badstove, boblebad og ulike fritidsaktivitetar du kan nytte på kvelden. I nærleiken finn du bowlinghall, diskgolf, matbutikkar, restaurant og kajakkutleige.
Permisjon
Om du skal heim under opphaldet, gje melding til teamet, resepsjonen eller vaktrommet.
Måltid
Det blir servert 4 måltid per dag:
Frukost: Kl. 7.30 - 9.30 / Kl. 8.00 - 10.00
Lunsj: Kl. 11.45 - 13.00 / Kl. 12.00 - 13.00
Middag: Kl. 15.30 - 17.00 / Kl. 15.00 - 16.00
Kvelds: Kl. 19.00 - 20.30 / Kl. 18.30 - 20.00
Vaskerom
Muritunet har vaskerommet der ein kan vaske personleg tøy. All vasking skjer på eige ansvar. Vaskekort kan kjøpast i resepsjonen eller på vaktrommet, og kostar kr 20 per
vask og per tørketrommel. På veggen ved vaskemaskinene er det ein kvit boks med vaskepulver.
Rom/Hotell
Muritunet har enkeltrom med dusj og toalett, gratis Wi-Fi, TV og kjøleskap. Handklede og sengetøy er å finne i gangen og ein byttar sjølv ved behov.
Overnatting for besøkande
Pasientar ved Muritunet kan ha pårørande på overnatting. Overnatting på pasientrom må registrerast grunna brannføresegnene. Prisen for besøkande er kr 650 per døgn, som inkluderar alle måltid. Barn under 16 år betalar kr 325. Ta kontakt med resepsjonen ved innsjekking.
Opphaldet
Under rehabilitering vil ein få tildelt ein primærkontakt som føl opp rehabiliteringsprosessen medan ein er på Muritunet. Primærkontakta vil vere ein del av eit tverrfagleg team og fleire faggrupper kan bli innvolvert ut i frå behovet til kvar enkelt. Timeplan vert tildelt og som gir oversikt over individuelle aktivitetar, gruppeaktivitet og undervisning. Aktivitet føregår inne og ute, og undervisningstema kan blant anna vere å lære å bruke kognitive verktøy. Timeplanen inneheld også rom for eigentid der ein sjølv er ansvarleg for å disponere tida til det ein måtte trenge.
Individuelle- eller gruppeopphald
Hovudforskjellen på individuelle- og gruppeopphald er inntaket. Om du blir søkt inn på tilboda brudd, slitasje og ortopedi, kompleks rehabilitering og lymfødem, vil du bli søkt inn på individuelt opphald som har meir fleksibele inntaksdatoar. .
Pakkeliste
Her kan du laste ned pakkeliste med anbefalt klede og utstyr
Kartlegging
Muritunet hentar data frå pasientar før, under og etter rehabiliteringsopphald. For å kartlegge, måle effekten av tilbodet og kvalitetssikre tilbodet. Gå videre til portal:
Informasjonsskriv
Her kan du laste ned informasjonsskriv som vil bli sendt ut før opphaldet
Førebuing til opphald
Her kan du laste ned eit førebuingsark til deg som ønskjer å sette i gong prosessen før ankomst
Kva inneberer eit opphald på rehabilitering?
Når ein er på rehabilitering deltek ein gjerne på ulike aktivitetar som til dømes fysisk aktivitet som styrketrening, spinning, vanngymnastikk, gymsalaktivtet og turar ut i nærmiljøet. I tillegg vil ein få undervisning om kosthald, sjukdomslære (inkl. eventuelt bruk av medisin), og kognitive endringsprosessar som inkluderar arbeid med endring av tankemønster. Samtalar med primærkontakt er ein del av kvardagen på rehabilitering. Innhaldet blir individuelt tilpassa den enkelte sin funksjon og helse.
Videokonsultasjon
Videokonsultasjon blir tilbydd når fysisk oppmøte ved Muritunet er praktisk vanskeleg. Videokonsultasjon er samtale via eit digitalt verktøy. På denne sida kan du finne informasjonen du treng for å delta i videokonsultasjonar.