Lunge/ KOLS- Døgntilbod
Tilbodet er for personar med alle typar lungesjukdom, men i hovudsak til dei med KOLS og astma. Personar som har vore innlagt på sjukehus grunna forverring av lungesjukdom kan også søkast til opphald 1-2 veker etter utskriving.
Målsetting
Å bygge meistringsstrategiar som kan bidra til betre helse og livskvalitet, og å oppretthalde aktivitet i kvardagen og i arbeidslivet.
Tiltak
Gruppebasert tilbod med variert fysisk aktivitet og undervisning. Sentrale undervisningstema er relatert til helse, kosthald, aktivitet og deltaking i kvardagen som individ og medmenneske. Individuelle tilpassingar vert gitt ut frå mål for rehabiliteringa og faglege vurderingar.
Organisering
Døgnbasert tilbod over 4 veker. Eit tverrfagleg team sett saman av fysioterapeut, ernæringsrådgivar, lege, sjukepleiar og ergoterapeut samarbeider om å følge opp pasienten under opphaldet. Oppfølging av klinisk ernæringsfysiolog og arbeidskonsulent ved behov..
Kontakt med eksterne
Kontakt blir ved behov etablert med eksterne samarbeidspartar som fastlege, pårørande eller andre som er viktige i rehabiliteringsprosessen.
Eigenandel
- Personar innsøkt via avtale med Helse Midt-Norge RHF har ein eigenandel på kr 163,- per døgn i 2024.
- Ved vedtak om godkjent yrkesskade betaler du ikkje eigenandel. Ta med kopi av vedtaket frå NAV.
- Eigenandelstaket for 2024 er kr. 3165,- for alle tenestene.
Kontakt
Teamleiar 3, Valldal
Kalender
Pårørandeinformasjon
Søknad