Ekspertbistand
Hjelp til utfordringar knytt til sjukefråvær eller arbeidsmiljø.
Ekspertbistand kan vere aktuelt ved utfordringar knytt til hyppige eller langvarig sjukefråvær som ein ikkje har lukkast med å løyse gjennom ordinær oppfølging eller tilrettelegging.
Muritunet har spisskompetanse på sjukefråværsoppfølging og kan hjelpe arbeidsgjevar og tilsette gjennom å kartlegge og avklare utfordringane, og deretter foreslå tiltak som gjer den tilsette betre i stand til å meistre og stå stabilt i arbeidet sitt.
I vårt tverrfaglege team har vi jobbkonsulentar, fysioterapeutar, ergoterapeutar, psykologar, sjukepleiarar, ernæringsfysiolog og lege. I eit ekspertoppdrag brukar vi den fagkompetansen som er relevant for å kartlegge kvar einskild person og/eller situasjon best mogeleg.
Slik søker du om ekspertbistand
Det er arbeidsgivaren din som søkjer om tilskotet. Arbeidsgivaren betaler for eksperthjelpa og får refundert utgiftene frå NAV. Tilskotet frå NAV dekkjer utgifter opp til ein maksimal sats på 23 100 kroner.
Arbeidsgivar må kontakte NAV Arbeidslivssenter (tlf. 55 55 33 36) for å få stadfesta at tiltaket er aktuelt.
